कालचिनीः कालचिनी खण्डको भाटपाडा ए अच्छापाडा चियाबारीमा बुधबार आबकारी विभागको अधिकारी र एसएसबी जवानहरूको उपस्थितिमा अनि अच्छापाडा डेभलपमेन्ट यूथ क्लब (एडीवाईसी) को आयोजनामा विश्व पर्यावरण दिवस पालन गरिएको जानकारी सो क्लबका अध्यक्ष विजय थुलुङ राईले दिएका छन्।
यस अवसरमा आबकारी विभाग र एसएसबीद्वारा प्रकृति संरक्षणबारे सचेतन कार्यक्रम गर्दै वृक्षारोपण गरेको थियो भने ग्लोबल वार्मिङबाट बाँच्न प्रत्येकले यस समय गाँछ लगाउन जरुरी रहेको एडीवाईसीका पदाधिकारीहरू विजय थुलुङ राई, रवि सार्की, पूनम लोहार, सनम सार्की, निलम नाइक र भानु राईले गाउँलेहरू समक्ष अपिल गरेको थियो।
