निवेदन
कवि तिम्रो जन्मजयन्ती
रमाइलो साँझमा
आउ न फेरि हे काव्यदाता
हामी माझमा।
गाँसेका थियो एकसूत्री माला
छरपस्ट हुँदैछ
रचित तिम्रा अमूल्य कृति
कुनामा रूँदै छ।
निखोज शब्द बटुली हिँड्दा
परे बैशाखी साँझमा
आउ न फेरि हे भानु तिमी
हामी माझमा ।
एकसूत्र हुने शाब्दिक शङ्ख
एकपल्ट बजाइदेऊ
छुटिरहेछौँ दाजु र भाइ
आएर मिलाई देऊ ।
किन? यस्तो नसोध यहाँ
पर्नेछौ लाजमा
आउ न फेरि हे भानु तिमी
हामी माझमा।
नीर बिनाको नयन सरह
खडेरी माझ भाषा
कसले सँगाल्ने भँङ्गालो यहाँ
परसम्म देखिँदैन आशा
चेतनाको मुल फुटाई
छरिदेउ सागरमा
आउ न फेरि हे भानु तिमी
हामी माझमा।
कालचिनी, डुवर्स
र याे पनि हेर्नुस्
