गूडविल कप २०२४: मोरङ नेपाल २-१ ले विजयी
कालचिनीः गत १८ अगस्तको दिनदेखि राजाभात स्पोर्टिङ क्लबको आयोजनामा शुरु भएको गूडविल कप २०२४ को तेस्रो चरणको टूर्नामेन्टमा बिहीबार युथ क्लब मोरङ नेपालले जीबीएफसी गोसाइगाउँ असमलाई २-१ को अन्तरले पराजित गरेको खेल सचिव किरण लामाले जानकारी दिएका छन्। बुधबार सम्पन्न सोही टूर्नामेन्टमा पान्डुवा फूटबल एकाडेमी हुगलीले टाइ ब्रेकमा फ्रेङ्गा बिजनी क्लबलाई १ गोलको अन्तरमा हराउन सफल भएको थियो।
बिहीबार सम्पन्न यूथ क्लब मोरङ नेपालको खेलाडी पूजन राईलाई मेन अफ द म्याच प्रदान गरिएको थियो भने बुधबार सम्पन्न पान्डुवा फूटबल एकाडेमी हुगलीको खेलाडी नवकुमार घोषलाई मेन अफ द म्याच प्रदान गरिएको राजाभात स्पोर्टिङ क्लबको सचिव किरण लामाले जनाएका छन्। आगामी २४ अगस्तको खेल डीएमएसएफ चक्रधरपुर झारखण्ड बनामा जलपाइगढी पुलिस टीमबीच सम्पन्न हुने बताइएको छ।
याे पनि हेर्नुस्
