भाजपा प्रार्थी राहुल लोहारले बुझाए नामाङ्कन
कालचिनीः भाजपा पश्चिम बंगाल राज्य अध्यक्ष सुकान्त मजुमदार र सांसद राजु विष्टको उपस्थितिमा मदारीहाट विधानसभा उपचुनाउका लागि भाजपा प्रार्थी राहुल लोहारले बुधबार नामाङ्कन बुझाए। नामाङ्कन जमा गर्न अघि अलिपुरद्वार बीएमसी क्लब मैदानबाट भाजपा प्रार्थी राहुल लोहारको समर्थनमा भाजपा राज्य अध्यक्ष सुकान्त मजुमदारलगायत दार्जीलिङ सांसद राजु विष्ट, अलिपुरद्वार सांसद मनोज तिग्गा, कालचिनी विधायक विशाल लामा एवम् अन्यान्य नेतृत्वहरूको उपस्थितिमा अलिपुरद्वारमा र्याली निकालिएको थियो।
यस अवसरमा भाजपा प्रार्थी राहुल लोहारले अलिपुरद्वार सहरमा हजारौँ पार्टी कार्यकर्ताहरूसँग मार्च गरेर जिल्ला प्रशासन भवन डुवर्सकन्यामा आफ्नो प्रार्थी नामाङ्कन पत्र बुझाए। अलिपुरद्वार जिल्ला बीजेपी अध्यक्ष र सांसद मनोज तिग्ना र अन्य बीजेपी विधायकहरू जुलुसमा उपस्थित थिए।
याे पनि हेर्नुस्
