जयगाउँ महाविद्यालयका नव–नियुक्त अध्यक्ष गणेशबहादुर प्रधानलाई स्वागत तथा बधाई
जयगाउँ : कालचिनी ब्लक अन्तर्गत जयगाउँ एक नम्बर ग्राम पञ्चायतस्थित नन्नी भट्टाचार्य स्मृति महाविद्यालय का गभर्निङ बडीमा अध्यक्षको रूपमा समाजसेवी तथा वरिष्ठ शिक्षक गणेशबहादुर प्रधान नियुक्त भएपछि, जयगाउँ-१ नम्बर ग्राम पञ्चायत त्रिमूल कांग्रेस पार्टी कार्यालयमा भव्य स्वागत तथा बधाई कार्यक्रम सम्पन्न भयो।
यस बधाई समारोहमा स्थानीय अञ्चल समितिका अध्यक्ष विष्णु लामा, चेयरम्यान रोशन उराउँ, अञ्चल प्रधान कमल लामा, उपप्रधान सुबला शाह लगायत पार्टीका विभिन्न पदाधिकारीहरू उपस्थित थिए। कार्यक्रममा जयगाउँ–१ नम्बर ग्राम पञ्चायतका सदस्यहरूको पनि बाक्लो उपस्थिति रहेको थियो।
नव–नियुक्त अध्यक्ष गणेशबहादुर प्रधानले आफ्नो सम्बोधनमा भने, “आगामी दिनमा जयगाउँ कलेजलाई सुसज्जित र उत्कृष्ट बनाउन म प्रतिबद्ध छु। तर यो कार्य म एक्लैले गर्न सक्दिनँ। तपाईँहरूको साथ र सहयोग भयो भने कलेजलाई एउटा उदाहरणीय शैक्षिक संस्थामा परिणत गर्नेछु।”
कार्यक्रममा अञ्चल समिति अध्यक्ष विष्णु लामाले भने, “हाम्रो क्षेत्रकै प्रतिनिधि कलेजको अध्यक्ष बनेकोमा हामी गर्वित छौं। उहाँको नेतृत्वमा कलेज अझ व्यवस्थित र प्रभावकारी रूपमा सञ्चालन हुनेछ भन्नेमा हामी विश्वस्त छौं।”
त्यसैगरी, चेयरम्यान रोशन उराउँले विगतका वर्षहरूमा अन्य क्षेत्रका व्यक्तिहरू अध्यक्ष पदमा रहँदा स्थानीयलाई अवसर नपाएको कुरा स्मरण गर्दै भने, “यसपटक हाम्रो क्षेत्रकै गणेशबहादुर प्रधान अध्यक्ष भएका छन्, यसमा हामी सबै स्थानीयवासी अत्यन्त गर्वित छौं।” उक्त समारोहको समापन सामूहिक बधाई र शुभकामना आदानप्रदानका साथ सम्पन्न भएको हाे भन्ने जानकारी मिडिया प्रभारी दुर्गा थुलुङ दिए ।
याे पनि हेर्नुस्
