अभिभावकहरूलाई सरकारी योजनाहरूबारे जानकारी
कालचिनीः एसएसबी ५३ वाहिनी फालाकाटा सिमलाबारी मुख्यालयको कमाण्डेन्ट विजय सिंहको निर्देशनमा तोर्सा मैदान, जयगाउँमा विशेष कार्यक्रम सम्पन्न भएको जानकारी एसएसबी सुत्रले दिएका छन्। शाइन डेल्स एकेडेमी स्कूलका विद्यार्थीहरू र उनीहरूका अभिभावकहरू र ठूलो सङ्ख्यामा गाउँलेहरूको उत्साहजनक सहभागिता रहेको यस कार्यक्रमको मुख्य उद्देश्य विद्यार्थीहरू, अभिभावकहरू र स्थानीय बासिन्दाहरूलाई सरकारी योजनाहरू र उनीहरूका फाइदाहरूबारे सचेत गराउनु थियो।
यस अवसरमा एसएसबीका जवानहरूले जनतासँग अन्तरक्रिया गरे र ‘छोरी बचाऔँ छोरी पढाऔँ’, स्वच्छता पखवाडा’, ‘औषधीमुक्त भारत अभियान’ र ‘मोटो अन्नको प्रयोग’ जस्ता महत्त्वपूर्ण मुद्दाहरूमा जागरूकता प्रदान गरेको थियो। यस योजनाको महत्त्वलाई रेखाङ्कित गर्दै एसएसबी अधिकारीहरूले देशको भविष्यका लागि छोरीहरूको शिक्षा र सुरक्षा आवश्यक रहेको बताए।
सरसफाइको सन्देश दिँदै घर र वरपर सफा राख्ने शपथ ग्रहण गराइएको थियो साथै युवा तथा अभिभावकहरूलाई लागुऔषधको असरबारे सचेत गराइएको थियो साथै समाजलाई लागुऔषध दुर्व्यसनबाट मुक्त गर्न सबैलाई एकजुट भएर लाग्न प्रेरित गरेको थियो।
एसएसबीका अधिकारीहरूले यस्ता पहलहरूले सरकारी योजनाहरूलाई मात्रै नभई समाजका विभिन्न वर्गहरूलाई एक प्लेटफर्ममा ल्याउन मद्दत गर्ने कुरामा जोड दिएका थिए।
याे पनि हेर्नुस्
