जयगाउँमा दुखद सडक दुर्घटना : १९ वर्षीय युवकको ज्यान गयो
जयगाउँ : आज दिउँसो करिब १ बजेदेखि २ बजेको बीचमा जयगाउँस्थित एसियन हाइवे पसाका रोड नजिकैको खोला क्षेत्रमा भएको सडक दुर्घटनामा एक युवकको मृत्यु भएको छ। डाडागाउँ निवासी बलविन्दर सिंहका छोरा १९ वर्षीय आकाशदीप सिंह आफ्ना साथीसहित होन्डा बाइकमा यात्रा गरिरहेका बेला अचानक नियन्त्रण गुमी दुर्घटनाग्रस्त भएका थिए।
दुर्घटनामा आकाशदीपको टाउकोमा गम्भीर चोट लागेपछि स्थानीय पुलिस र परिवारका सदस्यहरूले तिनलाई तत्काल वायुसेना अस्पताल पुर्याए। अवस्था जटिल भएपछि तिनलाई कुचबिहार अस्पताल लगिएकोमा, उपचारको क्रममा डाक्टरहरूले मृत घोषित गरेका छन्। दुर्घटनामा संलग्न बाइकलाई पुलिसले नियन्त्रणमा लिएर भानुभक्त मोड पुलिस चेकपोस्टमा राखेको छ। यो हृदयविदारक घटनाले फेरि एक पटक सडक सुरक्षा र सतर्कताप्रति गम्भीर ध्यान दिनुपर्ने आवश्यकता देखाएको छ।
याे पनि हेर्नुस्
