चमर्चीमा ३४ औँ नेपाली भाषा दिवस तथा ८१ औँ बलिदान दिवस तथा शहीद मेजर दुर्गा मल्लको सालिक अनावरण
चमर्ची- बानरहाट ब्लक अन्तर्गत चमर्चीमा ३४ औँ नेपाली भाषा मान्यता दिवस तथा ८१ औँ बलिदान दिवस एवम् शहिद मेजर दुर्गा मल्लकाे सालिक अनावरण कार्यक्रम सम्पन्न भयो| शहिद मेजर दुर्गा मल्ल सेवा प्रतिष्ठान चमर्चीको आयोजनामा सम्पन्न कार्यक्रममा मुख्य अतिथिको रूपमा जीटीए प्रमुख कार्यपाल अनित थापा उपस्थित थिए| कार्यक्रमको पहिलो चरणमा चमर्ची बजारमा शहीद मेजर दुर्गा मल्लको सालिक अनावरण गरियो| अनित थापालाई जलढाका उच्च माध्यमिक विद्यालयका गोर्खा ब्याण्ड टोलीले बाजा बजाउँदै बजार परिक्रमा गराएर अनावरण स्थलसम्म पुर्याएको थियो| यस अवसरमा जयगाउँ डेभलपमेन्ट अथोरिटीका चेयरमेन गङ्गाप्रसाद शर्मा, अलिपुरद्वार जिल्ला परिषद सदस्य विशाल गुरुङ,समाजसेवी प्रेम छेत्री लगायत डुवर्स क्षेत्रका ४५ वटा संघ-संस्थाका प्रतिनिधिहरू उपस्थित थिए|
दोस्रो चरणको कार्यक्रम चमर्ची आउट पोस्ट नजिकैको मैदानमा सम्पन्न भयो| जहॉं सम्मान तथा सांस्कृतिक कार्यक्रमहरू आयोजना गरिएको थियो| कार्यक्रमलाई सम्बोधन जीटीए प्रमुख कार्यपाल अनित थापाले भने, डुवर्सलाई म कहिले पनि राजनीतिक रूपमा हेर्दिन| म आज यहॉं जातिको हैसियतमा आएको हुँ| तिनले अझ भने, जहिले पनि कतै न कतै सुन्न र देख्न पाउँछौ अनि हामी अवहेलित भएको महसुस गर्छौ| म सबैलाई एउटा कुरा भन्न चाहन्छु कि हामीमा आत्म विश्वानस हुनुपर्छ| हामी भारतीय नागरिक हौँ| यो दह्रो आत्म विश्वास हामी सबैमा हुनुपर्छ| कसैले केही भन्दैमा आवेशमा आउनु हुँदैन| हामीमा आत्म विश्वािस दह्रो हुनुपर्छ| यही आत्म विश्वासले नै हामी अगाड़ि बढनु पर्छ| हाम्रो सबैभन्दा ठूलो हतियार नै आत्म विश्वास हो| हामीले यो हतियारलाई प्रयोग गर्नुपर्छ| ठूलो ओहोदामा बसेका मुख्यमन्त्री, प्रधानमन्त्रीले हामीलाई केही भनेको छैन अनि भन्दैन पनि| तिनले डुवर्सको बारेमा अझ भने, म डुवर्समा राजनीति गर्न कहिले पनि आउँदिन| विगतको दिनमा राजनीति गर्न आउँदा डुवर्समा मेरो जातिले धेरै दुःख पाएको छ| अब डुवर्सका मेरो जातिलाई त्यो दुःख दिन चाहदिनँ| अब हाम्रो जाति उन्नतिको मार्गमा लाग्नुपर्छ| हामी राजनीतिमा अगाड़ि बढ्नुपर्छ| हामी राजनीतिक ओहोदाहरूमा पुग्नुसक्नु पर्छ| हामीले २०१७ पहाड़मा विकसित र शान्तिको निम्ति एउटा यात्रा तय गरेको थियो| त्यो शान्तिको यात्राले गर्दा डुवर्सवासीले शान्तिको श्वास फेरिरहेको छ| अब डुवर्सको हाम्रो गोर्खे सन्तानहरू आफ्नाे खुट्टामा उभिनु पर्छ| तिनले भने,डुवर्समा म कुनै पनि राजनीतिक कार्यक्रममा आउँदिन| तर जातिलाई परेको खण्डमा म जहिले पनि तपाईहरूसित उभिएको हुन्छु| जातिलाई परेको खण्डमा, जातिको सांस्कृतिक कार्यक्रमहरू हुन्छ म डुवर्सको साथमा रहनेछु भने|
कार्यक्रमको मुख्य आकर्षण भने जलढाका उच्च माध्यमिक विद्यालयको गोर्खा ब्याण्ड टोली रहेको थियो| जसले प्रस्तुत गरेको तालधुनले उपस्थित दर्शकलाई उत्साह र रोमाञ्चले भरिदियो| साथै विभिन्न सांस्कृतिक प्रस्तुति, गीतनृत्यले कार्यक्रमलाई भव्यता थपेको थियो| कार्यक्रममा शहीद मेजर दुर्गा मल्लको जीवनीबारे पत्रकार राजेश प्रधान र कवि किरण उपाध्यायले वक्तव्य राखेका थिए| पत्रकारहरूले सोधेको प्रश्नको जवाफ दिँदै जीटीए प्रमुख कार्यपाल अनित थापाले भने, डुवर्सका गोर्खा समुदायले आफ्नै खुट्टामा उभिनु पर्छ| अरूको भरोसामा बस्दा पहिले पनि धोका पाइएको छ| अब दुःख र धोका हुनु हुँदैन| त्यसैले म डुवर्सलाई लिएर राजनीति गर्दिन| कार्यक्रममा अनित थापालाई प्रतिष्ठानको तर्फबाट ढाका टोपी, जातीय पहिचानको प्रतीक खुकुरी तथा सम्मानपत्र प्रदान गरिएको थियो| त्यस्तै गङ्गाप्रसाद शर्मालाई पनि सम्मान अर्पण गरिएको थियो| कार्यक्रमको समापन गर्दै प्रतिष्ठानका सभापति सन्दिप छेत्रीले भने, आज हामी सबैका लागि गौरवको दिन हो| शहीद मेजर दुर्गा मल्ललाई सम्झनु र नेपाली भाषाको मान्यता दिवसलाई एकसाथ मनाउनु भनेको हाम्रो पहिचानलाई मजबुत बनाउनु हो| यस कार्यक्रमलाई सफल बनाउन सहयोग गर्ने सबै संघ-संस्था, स्थानीय जनता, पत्रकार मित्र र अतिथिहरूलाई हार्दिक आभार व्यक्त गर्दछु| तिनले भविष्यमा पनि शहीदका आदर्श र भाषाको पहिचानलाई जोगाउँदै डुवर्स क्षेत्रमा यस्ता कार्यक्रमहरू निरन्तर आयोजना गरिने प्रतिबद्धता व्यक्त गरे| कार्यक्रममा संस्थाको शरन सिन्चोरी,बाबा तामाङ, श्याम थापा, रोशन लामा, प्रविण प्रधान, पवन दर्नाल, जयबहादुर विश्वकर्मा, जीवन तामाङ, सुजित बराइली, बुलबुल लामा,अनोज थापा, सान्तप्रसाद शर्मा आदिको मुख्य भुमिका रहेको थियो|
याे पनि हेर्नुस्
