बाराबिशा खेल यात्रा अधुरो, दुर्घटनामा १४ खेलाडी घाइते
कालचिनी : अलिपुरद्वार जिल्लाको ३१ नम्बर राष्ट्रिय राजमार्गमा आज भएको सडक दुर्घटनामा १४ जना खेलाडी घाइते भएका छन्। जलपाइगुडी जिल्लाको मटेलीबाट बाराबिशा फुटबल खेल खेल्न जाँदै गरेका खेलाडीहरू सवार गाडीलाई पुटिमारीस्थित सेन्ट्रल बैंक अगाडि एक ठूलो गाडीले ठक्कर दिएको थियो। ठक्करपछि सानो गाडी नयनजुली क्षेत्र नजिकै सडक छेउको खाल्डोमा पल्टिएको पुलिस स्रोतले जनाएको छ।
दुर्घटनापछि स्थानीयवासी र पुलिसकाे सहयोगमा सबै घाइतेलाई उद्धार गरी तत्कालै अलिपुरद्वार जिल्ला अस्पताल पुर्याइएको थियो। अस्पताल स्रोतका अनुसार, घाइतेमध्ये ६ जनाको अवस्था गम्भीर रहेको छ र तिनीहरूको उपचार भइरहेको छ। बाँकी ८ जनालाई प्राथमिक उपचारपछि घर फर्काइएको छ। यस घटनाले स्थानीय क्षेत्रमा स्तब्धता छाएको छ भने घाइते खेलाडीहरूको स्वास्थ्यप्रति व्यापक चासो प्रकट गरिएको छ।
याे पनि हेर्नुस्
