सबैले आ-आफ्नो ठाउँमा अरिबहादुर गुरुङको जन्मजयन्ती पालन गर्नुपर्ने- अध्यक्ष अमित गुरुङ
बाग्राकोटः भारतीय संविधानको अनुमोदित प्रतिलिपिमा हस्ताक्षर गर्ने एकमात्र गोर्खा सन्तति अनि व्यारिस्टर अरिबहादुर गुरुङको आज बाग्राकोटमा ११३औं जन्मजयन्ती पालन गरियो। अरिबहादुर गुरुङ फाउण्डेसनद्वारा डुवर्सको भूमिमा पहिलोपल्ट पालन गरिएको जन्मजयन्ती कार्यक्रमको अध्यक्षता बिरबहादुर गुरुङले गरेका थिए।
दशैँको व्यस्तताको कारण सामान्य रूपमा पालन गरिएको यस कार्यक्रमलाई बाग्राकोट उच्चतर माध्यमिक विद्यालयका शिक्षिका अर्पणा गुरुङ, प्रमेश गुरुङ, रुपनारायण प्रधानले वक्तव्य राखेका थिए भनी अरिबहादुर गुरुङ फाउण्डेसनका अध्यक्ष अमित गुरुङले जानकारी गराएका छन्।
स्मरण गराइन्छ- व्यारिस्टर अरिबहादुर गुरुङको जन्म १४ अक्टोबर १९११ सालमा भएको थियो। अरिबहादुर गुरुङ फाउण्डेसनका अध्यक्ष अमित गुरुङले भने- “अरिबहादुर गुरुङ गोर्खा गौरव पुरूष हुन्। अरिबहादुर गुरुङको बारेमा हाम्रो भावी सन्तानहरूलाई जानकारी गराउन सबैले आ-आफ्नो ठाउँमा जन्मजयन्ती पालन गर्नुपर्ने पनि आह्वान गरेका छन्।”
याे पनि हेर्नुस्
