बून इङ्गलिस स्कूलमा एनसीसीको कक्षा उद्घाटनसँगै नीट परीक्षा उत्तीर्ण मुस्कान लामा र अनमोल लामालाई सम्वर्द्धना
कालचिनी : कालचिनी हेमिल्टनगञ्जस्थित आईसीएसई तथा आईएससी अनुमोदित स्कूल बून इङ्गलिस स्कूलमा एनसीसी सुरु भएको जानकारी स्कूलका चेयरम्यान तथा निर्देशक पवन कुमार सिंह झाँले दिएका छन्। बुधबार स्कूलमा एनसीसीको ७ बङ्गाल गर्ल्स बटालियनको सीओ एनके सिंहको प्रमुख उपस्थितिमा एनसीसीको महत्त्व र यसको कार्यमाथि प्रोजेक्टर मार्फत स्कूलका विद्यार्थी औ अभिभावकहरूलाई विस्तृत जानकारी दिएको थियो।
सो अवसरमा स्कूलका चेयरम्यान तथा निर्देशक पवन कुमार सिंह झाँले एनसीसीका सीओ र तिनको सहयोगीहरूलाई फूलको गुच्छा र खदा पहिराएर स्वागत जनाएको थियो। यसैबीच बून इङ्गलिस स्कूलको भूतपूर्व छात्रा तथा हालै नीट यूजीमा उत्तीर्ण भएका अनमोल लामा र मुस्कान लामालाई सम्वर्द्धना प्रदान गरिएको थियो।
स्कूलमा एनसीसीको पहल र एनसीसीको महत्त्वबारे स्कूलका चेयरम्यान तथा निर्देशक पवन कुमार सिंह झाँले स्कूलमा जतिसक्दो विद्यार्थीहरूको सर्वाङ्गीण विकास होस् भन्ने ध्येय राखेर आधारभूत संरचनाको काम भइरहेको र विद्यार्थीको ५ भन्दा अधिक ब्याचले विभिन्न क्षेत्रमा नाम राख्दै आइरहेको र यस क्रममा यहाँको विद्यार्थीहरूले गत वर्ष पनि नीट यूजीमा उत्तीर्ण गरेको र यसपाली पनि भूतपूर्व छात्रा अनमोल लामा र मुस्कान लामा दुवैले नीट यूजीमा उत्तीर्ण भएकाले उनीहरू र अभिभावकलाई बोलाएर स्कूलको पक्षबाट सम्मान तथा शुभकामना दिएको अनि गर्ल्स स्टुडेन्टहरूको लागि एनसीसी पनि चालू गरिएको जनाएका छन्। एनसीसीको बंगाल ७ गर्ल्स बटालियनको सीओ एनके सिंहले कतिपय सरकारी स्कूलहरूमा एनसीसी चालू रहेको तर निजी स्कूलमा यो प्रथमपल्ट एनसीसी कक्षा शुरु गर्न लागेको र पछि यसलाई अपग्रेड गरेर लगिने जनाएका छन्। तिनले बून इङ्गलिस स्कूलको विद्यार्थीहरू सबै सक्रिय रहेकोले एनसीसी मौलाउने आशा गरिएको जनाएका छन्।
याे पनि हेर्नुस्
