दलसिंहपाडा : आदिकवि भानुभक्त आचार्यको २१० औँ जन्म जयन्ती दलसिंहपाडा भानु मोडमा सम्पन्न भयो। जयगाउँ विकास प्रधिकरणका चियरम्यान गङ्गाप्रसाद शर्माको सभापतित्वमा सम्पन्न समारोहमा प्रमुख अतिथि वरिष्ठ समाजसेवी बिबि खवास रहेका थिए भने विशिष्ट अतिथिका राज्यसभा सांसद प्रकाश चिक बडाइक, साहित्यकार शङ्करनाथ प्रधान रहेका थिए। भानु मोडमा रहेको भानु सालिकमा माल्यार्पण गरि शुरू भएको कार्यक्रममा जयगाउँ दलसिंहपाडाका विभिन्न स्कुलका विद्यार्थीहरूमाझ कविता प्रतियोगिता गरिएका थिए । उक्त कविता प्रतियोगिताका निर्णायकका रूपमा कवि कमल थुलुङ , कमल शर्मा र प्रभात थापा रहेका थिए । सो कविता प्रतियोगितामा दलसिंहपाडा श्री गणेश हाई स्कुलमा विद्यार्थी बिनु लामा प्रथम , वेदव्यास चेरिटेबल स्कुलका विद्यार्थी यादव शर्मा दोस्रो र सेन्ट डोमिनिक स्कुलका विद्यार्थी प्रमिला प्रधान तेस्रो भए।
यसै कार्यक्रममा वरिष्ठ समाजसेवी बिबि खवास, चियरम्यान गङ्गाप्रसाद शर्मा र राज्यसभा सांसद प्रकाश चिक बडाइकलाई सम्मान गरेका थिए । कार्यक्रममा स्वागत सम्बोधन आयोजक समितिका सचीव पेमा लामाले गरेका थिए भने कार्यक्रम सञ्चालन मनोज श्रेष्ठले गरेका थिए ।
