एकक्षण पानी पर्दा मेचपाडा भयो जलमग्न
कालचिनी : मंगलबार दिउँसो प्रायः आधा घण्टापछि परेको मुसलधारे वर्षाले मेचपाडा चियाबारीको खोला र नालामा भेल ओर्लिएको थियो भने पानीले मेचपाडा २ नम्बर फूटबल मैदान जलमग्न बनेको थियो। मुसलधारे वर्षाले गाउँको बाटो जम्मै खोलामा परिणत भएको थियो भने कतिपय श्रमिकहरूको घरभित्र पानी पस्दा असुविधा उत्पन्न भएको थियो। गाउँलेहरूले गाउँ घरमा नाला निकासीको काम नभएकोले नै कमानको नालाको पानी गाउँमा पस्नाले यस्तो समस्या भईरहेको र यस्तो परिस्थितिमा कुनै प्रकारको प्रशासनिक पदक्षेप पनि नदेखिएको गुनासो गरेका छन्।
यदि लगातार पानी परिरहे पुनः चुवापाडाको बाँध भत्किन सक्ने र मेचपाडा गाउँ नै बाढको चपेटमा फेरि पस्न सक्ने गाउँलेहरूले आशङ्का गरेका छन्।
याे पनि हेर्नुस्
