निःशुल्क सर्भाइकल क्यान्सर स्क्रीनिङ अनि चिकित्सा शिविर सम्पन्न।
कालचिनी : कालचिनी खण्डको दुर्गम बक्साद्वार गाउँलगायत सुन्तलाबारी र २८ बस्ती बासिन्दाहरुको निमित्त शनिवार अलिपुरद्वार निलकान्त मुखर्जी वेलफेयर सोसाइटीको व्यवस्थापना अनि जिल्ला स्वास्थ्य विभागको सहयोगिता एवम् संख्या एनजीओ र सुन्तलाबारी ग्राम सभा एफआरसीको आयोजनामा निःशुल्क चिकित्सा शिविर साथै निःशुल्क क्यान्सर स्क्रीनिङ शिविर सम्पन्न भयो।
उक्त शिविरमा अलिपुरद्वारका गाइनो डाक्टर डा. उदयन मित्रलगायत उत्तर लोथाबारी ग्रामीण अस्पतालका चिकित्सक एवम् स्वास्थ्य कर्मीहरुले सेवा पुऱ्याएको थियो।
यस अवसरमा निलकान्त मुखर्जी वेलफेयर सोसाइटीको अध्यक्ष डा. निलकान्त मुखर्जी, अलिपुरद्वार डेपुटी सीएमओएच डा. कुमारेस घोष, अलिपुरद्वार निलकान्त मुखर्जी वेलफेयर सोसाइटीका उपाध्यक्ष सचिन नन्दी, सचिव बिजन विश्वास , संयुक्त सचिव डोला घोष, एवम् अन्यान्य पदाधिकारीहरुको उपस्थिति रहेको थियो।
शिविर सफल भएको बताउँदै निलकान्त मुखर्जी वेलफेयर सोसाइटीको अध्यक्ष डा. देवकुमार मुखर्जीले दुर्गम क्षेत्रमा पर्ने बक्सा पहाड साथै वन बस्तीका गाउँलेहरुलाई निःशुल्क चिकित्सा सुविधा उपलब्ध गराउने उद्देश्यले नै यो शिविर गरिएको जनाएको छ भने आयोजक कमिटीको पक्षबाट सुन्तलाबारीका समाजसेवी तथा ग्राम सभाको सचिव अरुण कुमार राईले यस अघि पनि यो सोसाइटीले धेरै शिविरहरु गर्दै आईरहेको र शनिबार मूलतः सर्भाइकल क्यान्सर स्क्रीनिङ शिविर आयोजित गरिएको र मुसलधारे वर्षाले गर्दा मानिस त्यति आउन नसके तापनि प्रायः महिलाहरु आएर शिविरको लाभ लिन सफल भएको बताए।
याे पनि हेर्नुस्
