कालचिनी: सामाजिक सञ्जालमा एकजना बोडो जनजातिको प्रतिनिधि तथा पश्चिम बंगाल आदिवासी विकास औं सांस्कृतिक बोर्डका कार्यकारिणी सदस्य एवम् मीडिया कर्मीलाई तथानाम टिप्पणी गरेकोमा कालचिनी थानामा एउटा अभियोग दर्ता गरिएको घटना प्रकासमा आएको छ।
बोडो जनजातिको प्रतिनिधि तथा आदिवासी विकास औ सांस्कृतिक बोर्डका कार्यकारिणी सदस्य विनय नार्जीनारीले आफ्नो सामाजिक सञ्जालमा बङ्गला भाषामा प्रकाशित समाचारको क्लिप लगाएर संसारको हरेक जनजातिको भाषा बाँच्न पर्छ र कोचबिहार राजबाडीमा रहेको म्युजियममा रहेको आदिवासी जनजातिको कक्षालाई पर्यटन विकासको उद्देश्यले पनि खोलाउन सम्बन्धित कर्तृपक्षले पहल गर्नु पर्ने स्टेटस लेखेको पोस्टमा हेमिल्टनगञ्ज निवासी भाजपा कालचिनी विधानसभा संयोजक आलोक मित्रले अभद्र टिप्पणी गरेकोमा सार्वजनिक माफी माग्नु पर्ने दाबी गर्दै कालचिनी थानामा उजुरी दिएको बताएको छ।
यस सम्बन्धमा विनय नार्जीनारीले आफू एकजना पत्रकारिता पेशामा पनि आबद्ध रहेकोले कोचबिहार राजबाडीमा मेच बोडोहरूको प्रदर्शनी पुनः चालू गर्नु पर्ने विषय लिएर गरिएको सभाको प्रकाशित समाचारको क्लिप आफ्नै सामाजिक सञ्जालको वालमा पोस्ट गर्दा हेमिल्टनगञ्जका भाजपा नेता आलोक मित्रले केही नराम्रो लाञ्छित टिप्पणी गरेकोमा एट्रोसिटी एक्टमा थानामा अभियोग दिएको जनाएको छ।
तिनले आलोक मित्रसित आफ्नो कुनै सम्बन्ध नरहेको तर उसले यसरी सामाजिक सञ्जालमा कुन उद्देश्यले लाञ्छना गर्ने आँट गऱ्यो भन्दै सार्वजनिक माफी माग्नु पर्ने दाबी गरेका छन्। यता उपरोक्त सम्बन्धमा कथित लाञ्छना टिप्पणी गर्ने आलोक मित्रसित सम्पर्क गर्न खोज्दा सम्पर्क नभएकोले तिनको प्रतिक्रिया जान्न सकिएन।
