एसएसबीद्वारा वृक्षारोपण औँ स्वच्छता अभियान
कालचिनीः एसएसबी ५३ वाहिनी फालाकाटा सिमलाबारी मुख्यालयको कार्यवाहक कमान्डेन्ट तथा सेकेन्ड कमाण्डिङ अफिसर धीरज कुमारको निर्देशनमा विशेष वृक्षारोपण कार्यक्रम आयोजना गरिएको जानकारी एसएसबी सुत्रले दिएका छन्। सो अवसरमा अधिकारी तथा जवान कर्मचारीले ३१० वटा बिरुवाहरू रोपेर तिनको संरक्षण र हेरचाहको जिम्मेवारी लिएका थिए।
यसका साथै ‘स्वच्छता नै सेवा’ कार्यक्रम अन्तर्गत एसएसबीको मुख्यालय र सीमा चौकीहरूमा सबैले सरसफाईको सपथ लिएका थिए वरपरको फोहोर हटाएर हरेक वर्ष १०० घण्टा अर्थात् हप्तामा करिब २ घण्टा सरसफाइको प्रतिबद्धता पूरा गर्ने शपथ लिएको पनि एसएसबी सुत्रले जनाएका छन्।
याे पनि हेर्नुस्
