घरेलु झगडाको कारण यो हत्याकाण्ड घटेको हुनसक्ने अनुमान लगाइएको छ
कालचिनीः हाँसीमारा संलग्न बीच चियाबारीमा मङ्गलवार आफ्नै भाइले दाजुको गला रेटेर हत्या गरेको घटना प्रकासमा आएको छ।
प्राप्त जानकारी अनुसार, बीच चियाबारी निवासी जमील अन्सारी उमेर लगभग २८ -ले आफ्नै घरभित्र दाजु सुभान अन्सारीको गला रेटेर हत्या गरेको पुलिस सुत्रले जनाएका छन्। पुलिस सुत्रबाट थाह लागे अनुसार, कुनै घरेलु झगडाको कारण यो हत्याकाण्ड घटेको हुनसक्ने अनुमान लगाइएको छ। घटना थाह पाएर गाउँलेहरू घटनास्थलमा पुग्दा क्षत-विक्षत अवस्थामा सुभान अन्सारीको मृतदेह भुँईमा ढलेको अवस्थामा देखेको बताइएको छ। हत्यारा भाई जमील अन्सारी भागेको बताइएको छ।
घटनाको सूचना पाएर घटनास्थलमा हाँसीमारा आउटपोस्टका पुलिसबल पुगेर शव बरामद गरेको थियो। के कारणले सो हत्याकान्ड घटेको हो यसको छानबीन चलिरहेको र आरोपी हत्यारा भाइ जमील अन्सारीको खोजी पुलिसले गरिरहेको पुलिस सुत्रले जनाएका छन्। यता उक्त शवको पोस्टमार्टम गर्न अलिपुरद्वार पठाएको पुलिस सुत्रले जनाएका छन्।
याे पनि हेर्नुस्
