वीरपाडाः शुक्रबार दिउँसो लगभग १२ बजीतिर एसियाली राजमार्ग ४८ स्थित मदारीहाट वीरपाडा ब्लकस्थित डिमडिमा पुलमा ट्रक अनियन्त्रित भई पुलबाट खसेको छ। दुर्घटनामा ट्रकका चालक खलसीसहित तीनजना गम्भीर घाइते भएका छन् । स्थानीय मानिसहरूको सहयोगमा तिनीहरूलाई तत्कालै वीरपाडा स्टेट जनरल अस्पताल पठाइएको थियो ।
तीव्र गतिमा गुडिरहेको ट्रक एक्कासी नियन्त्रण गुमाएर पुलको रेलिङबाट तल खसेको प्रारम्भिक अनुसन्धानले देखाएको छ। दुर्घटनाको कारण भने खुल्न सकेको छैन। बीरपाडा प्रशासनले घटनाको अनुसन्धान थालेको र दुर्घटनामा संलग्नलाई कानुनी कारबाही गर्ने जनाएको छ।
