सडक मर्मत विषय लिएर एक गाउँले सभा : साेम्वारदेखि मर्मत कार्य शुरू हुने
दलसिंहपाडा : दलसिंहपाडा रणबहादुर बस्तीमा सडक मर्मत विषय लिएर एक गाउँले सभा बसे । उक्त बसिएको सभामा रणबहादुर बस्ती ७२ नम्बर पार्टका पञ्चायत सदस्य कान्छा लामा र महुवा क्षेत्रका पञ्चायत सदस्य मनबहादुर राई उपस्थित रहेका थिए भने सडक निर्माणका ठेकादार उत्तम थापा पनि उपस्थित रहेका थिए । ज्ञातव्य रहाेस् दलसिंहपाडा रणबहादुर बस्ती र महुवा बगान क्षेत्रमा आज भन्दा पाँच वर्ष अघि प्रधान मन्त्री ग्राम सडक योजना अन्तर्गत निर्माण भएको सडक पाँच वर्ष नपुग्दै भत्किएर नाजुक अवस्थामा पुगेको छ ।
सडक निर्माण प्रधिकरणका नियम अनुसार एउटा सडक निर्माण भइसकेपछि पाँच वर्षसम्म सडकको मर्मत हुनु पर्ने तर समयमा सडकको मर्मत नभएको कारण ग्रामबासीले यसको समस्य झेल्नु परेको पञ्चायत सदस्य कान्छा लामाले जनाए । मेरो सडक निर्माण टेण्डर अनुसार सडक निर्माण गरेपछि पाँच वर्षसम्म मर्मत अवधी रहेको थियो । यो साल पाँच वर्ष पुरा भएको छ । यो सडक मर्मत २५ – तीस लाखको बजेटमा काम हुने छ । आउँदो सोम्बारदेखि मर्मत कार्य शुरु गर्ने ठेकादार उत्तम थापाले जानकारी दिए । विगत् वर्षमा पनि मर्मत कार्य त भयो तर सन्तोषजनक काम नभएकोमा हाम्रो जनता रुष्ट भएको कुरामा जोड दिदै अबको मर्मत कार्य राम्रो पाराले गरिदिने आग्रह महुवा क्षेत्रका पञ्चायत सदस्य मनबहादुर राईले ठेकादार उत्तम थापालाई गरे । सभामा आइतसिंह लामा, कमल लामा, बाबुल प्रधान, मिलन क्षेत्री, रोशन लामा, बिबेक मंगर, सम्याल मुण्डा लगायत गाउँलेहरुको बाक्लो उपस्थिति रहेको थियो ।
