कालचिनीः आइतवारको हावा हुन्डुरीले व्यापक क्षतिग्रस्त गरेको गाउँहरूमा सोमवार तृणमूल कालचिनी ब्लक सभापति असिम पाख्रिनलगायत अलिपुरद्वार जिल्ला परिषदका सभाधिपति स्निग्धा साइबोले एकसाथ निरीक्षण गरे। भुमरीले क्षतिग्रस्त बनेको मेचपाडा, ८ नम्बर, भाटपाडा, राइमाटाङ, राजाभातखावा क्षेत्रमा पुगेर क्षतिको विवरण लिँदै प्रशासनिक स्तरबाट के कस्तो त्राण प्रदान गर्न सकिन्छ त्यसको निम्ति सूची बनाउन प्रशासनिक अधिकारीहरूलाई निर्देश दिइएको बताइएको छ।
यता मेचपाडा ८ नम्बर गाउँको निरीक्षण गर्न आएको जिल्ला परिषदका सभाधिपति स्निग्धा साइबोले वर्तमान समयसम्म एमसीसी जारी रहेकोले यसको विवरण प्रशासनलाई दिइने र प्रशासनिक स्तरबाट नै क्षतिग्रस्त गाउँलेहरूले त्राण प्राप्त गर्नसक्ने बताएकी छन्।
