रश्मिका मन्डन्ना फिल्म ‘सिकन्दर’ मा सलमानको हिरोइन बन्ने

मुम्बई : हिन्दी फिल्म ‘एनिमल’ मा अभिनय गरेकी अभिनेत्री रश्मिका मन्डन्ना आगामी फिल्म ‘सिकंदर’ मा अभिनेता सलमान खानसँग देखिने भएकी छिन् । चलचित्र निर्माताले बिहीबार सो जानकारी दिएका हुन् । प्राप्त जानकारी अनुसर सलमान खान फिल्म ‘सिकंदर’ मा मुख्य भूमिकामा देखिनेछन्। यस फिल्मको निर्देशन एआर मुरुगादासले गर्नेछन्। यो फिल्म सन् २०२५ इदको अवसरमा हलमा रिलिज हुनेछ । फिल्मलाई साजिद नाडियाडवालाको ब्यानरमा र नाडियाडवाला ग्रान्डसन इन्टरटेनमेन्टले निर्माण गर्नेछ ।

चलचित्र कहिले रिलिज हुन्छ ? 

निर्माण कम्पनीले इन्स्टाग्राममा एक पोस्टमा रश्मिका मन्डन्नालाई सलमान खानसँग फिल्म ‘सिकन्दर’ मा काम गर्न स्वागत गरेको बताएको छ । यो फिल्म २०२५ को ईदको दिन थिएटरमा रिलिज हुनेछ । फिल्मको बारेमा आफ्नो इन्स्टाग्राम स्टोरीमा पोस्ट गर्दै मन्डन्नाले फिल्म ‘सिकन्दर’ मा काम गर्न पाउँदा निकै उत्साहित भएको बताइन् ।मन्डन्ना तेलुगु फिल्म ‘चलो’, ‘गीता गोविन्दम’, ‘डियर कम्रेड’, ‘पुष्पाः द राइज’ र ‘सीथा रामम’ मा आफ्नो लोकप्रिय भूमिकाका कारण चर्चामा छिन्। रश्मिका मन्डन्नाले विकास बहलको फिल्म ‘गुडबाय’ बाट हिन्दी फिल्ममा आफ्नो यात्रा सुरु गरेकी थिइन् ।

याे पनि हेर्नुस्