कालचिनीः आइतबार बिहान करिब ९ बजे अलिपुरद्वारको बञ्चुकमारी गाउँ पञ्चायतको ब्लक १ को चापतली क्षेत्रका साबु बर्मन नामका व्यक्तिलाई अलिपुरद्वारबाट निमती जाँदै गरेको एनबीएसटीसी बसले एकजना साबु बर्मन नामक व्यक्तिलाई पछाडिबाट ठक्कर दिँदा साबु बर्मन घटनास्थलमै भुइँमा लडेको थियो। प्रत्यक्षदर्शीहरूले घाईतेलाई उद्धार गरेर उपचारको लागि अलिपुरद्वार जिल्ला अस्पताल लगे।
अस्पताल पुऱ्याउँदा आकस्मिक विभागमा खटिएका चिकित्सकले उनलाई मृत घोषणा गरेका थिए। यसैबीच, बसको चालक बस छोडेर भाग्न सफल भएको थियो भने घटनाको खबर पाएर अलिपुरद्वार थानाको पुलिस स्थितिलाई सम्हाल्न घटनास्थलमा पुगेर बसलाई नियन्त्रणमा लिएको थियो। घटनाले क्षेत्रमा सनसनी मच्चिएको थियो।
