टोक्केसहित एकजना व्यक्ति पक्राउ
कालचिनीः बिहीबार जीआरपीले एकजना टोक्के तस्करीमा संलिप्त आरोपीलाई अलिपुरद्वार जिल्ला अदालतमा पेश गरेको घटना प्रकासमा आएको छ।
प्राप्त जानकारीअनुसार, बुधबार राती गोप्य सूचनाको आधारमा न्यू अलिपुरद्वार रेलवे स्टेशनको २ नम्बर प्लेटफार्मबाट जीआरपी ओसी भाष्कर सेनको नेतृत्वमा ३ वटा टोक्केसहित समुकतला विधाननगर कलोनी क्षेत्रको निवासी मान्नान अन्सारीलाई पक्राउ गरिएको थियो। बरामद गरिएको टोक्केहरूलाई वन विभागको पशु चिकित्सकको निगरानीमा राखेको थियो।
वाइल्डलाइफ एक्ट अन्तर्गत अभियुक्तलाई बिहीबार जीआरपीले अदालतमा पेश गरेको छ भने आरोपी व्यक्तिले यी टोक्केहरूलाई अन्य राज्यमा तस्करी गर्न खोजेको आरोपमा पक्राउ गरिएको अलिपुरद्वार जङ्कसन जीआरपी थानाका आईसी विमान कुमार सरकारले जनाएका छन्।
याे पनि हेर्नुहाेस्
