मुख्यमन्त्रीको जन्मदिनमा मन्दिरमा पूजा
अलिपुरद्वार : अलिपुरद्वार विवेकानन्द २ नम्बर अञ्चल युवा तृणमूल कंग्रेसका नेता र कार्यकर्ताहरूले आइतबार अलिपुरद्वार जक्शनस्थित कालीबारी मन्दिरमा पूजा गरेर मुख्यमन्त्री ममता ब्यानर्जीलाई शुभकामना दिए। मुख्यमन्त्री ममता ब्यानर्जीको जन्मदिनको अवसरमा अलिपुरद्वारको परम्परागत छिन्नमष्ट कालीबारी मन्दिरमा यो पूजा आयोजना गरिएको थियो।
उक्त अवसरमा अलिपुरद्वार विधायक तथा सार्वजनिक लेखा समितिका चेयरम्यान सुमन कान्जिलाल सहभागी भएको थियो भने विधायक सुमन कान्जिलाल र युवा तृणमूलका नेता तथा कार्यकर्ताले यस माताको मन्दिरमा मैनबत्ती र धूप बालेर पूजा गरेपछि उपस्थित श्रद्धालुहरूमा प्रसाद र केक वितरण गरेको थियो।
आइतबार यसै क्रममा तृणमूल कालचिनी ब्लक कार्यालयमा पनि ब्लक सभापति असीम पाख्रिन र युवा सभापति पवन योल्मोको उपस्थितिमा तृणमूल कार्यकर्ताहरूले मुख्यमन्त्रीको जन्मदिन पालन गरेको बताइएको छ।
याे पनि हेर्नुस्
